మన దేహములో పది ఇంద్రియములు, ఐదు ప్రాణములు, మనస్సు, బుద్ధి, అహంకారము= 18 భగవద్గీతలో 700 శ్లోకాలు ఉన్నాయి. వాటిలో శ్రీకృష్ణుడు చెప్పినవి 574, అర్జునుడు చెప్పినవి 84 సంజయుడు చెప్పినవి 41, ధృతరాష్ట్రుడు చెప్పినది 1 మొత్తము 700. కొన్ని ప్రతులలో 701 ఉన్నాయి. ...  గీత సాక్షాత్తు పరమాత్మ అవతారమగు శ్రీకృష్ణుడు అర్జునునకు ఉపదేశించన యోగశాస్త్రము, ఉపనిషత్ సారము. శ్రీకృష్ణుని వంటి గురువు, అర్జునుని వంటి శిష్యుడు ఈ అనంత విశ్వంలో మరొకరు లేరు అనడంలో అతిశయోక్తి లేదు. వీరి సంభాషణను వ్యాసమునీద్రులు అక్షరబద్దం చేసి మనకు అందించారు .. రామాయణం సర్గలలోని శ్లోకాల సంఖ్యా వివరాలు, బాల కాండ (77)సర్గలు (2256)శ్లోకాలు, అయోధ్య కాండ (119)సర్గలు (4415)శ్లోకాలు, అరణ్య కాండ (75)సర్గలు (2732)శ్లోకాలు, కిష్కింధ కాండ (67)సర్గలు (2620)శ్లోకాలు, సుందర కాండ (68)సర్గలు (3006)శ్లోకాలు, యుద్ధ కాండ (131)సర్గలు (5990)శ్లోకాలు, ఉత్తర కాండ (110)సర్గలు (3234)శ్లోకాలు, ఏడు కాండలు (647)సర్గలు (24,253)శ్లోకాలు, అంటే ఒక్కో శ్లోకానికి 32 అక్షరాలు ఉంటాయి... రామాయణము అత్యంత పురాతన మైనది క్రీ.పూ. కు చెందినది అని చరిత్రకారుల అభిప్రాయము....

Kishkindha Kanda Sarga 54 – kiṣkindhākāṇḍa catuḥpañcāśaḥ sargaḥ

|| hanūmadbhēdanam ||

tathā bruvati tārē tu tārādhipativarcasi |
atha mēnē hr̥taṁ rājyaṁ hanumānaṅgadēna tat || 1 ||

buddhyā hyaṣṭāṅgayā yuktaṁ caturbalasamanvitam |
caturdaśaguṇaṁ mēnē hanumān vālinaḥ sutam || 2 ||

āpūryamāṇaṁ śaśvacca tējōbalaparākramaiḥ |
śaśinaṁ śuklapakṣādau vardhamānamiva śriyā || 3 ||

br̥haspatisamaṁ buddhyā vikramē sadr̥śaṁ pituḥ |
śuśrūṣamāṇaṁ tārasya śukrasyēva purandaram || 4 ||

bharturarthē pariśrāntaṁ sarvaśāstravidāṁ varam |
abhisandhātumārēbhē hanumānaṅgadaṁ tataḥ || 5 ||

sa caturṇāmupāyānāṁ tr̥tīyamupavarṇayan |
bhēdayāmāsa tān sarvān vānarān vākyasampadā || 6 ||

tēṣu sarvēṣu bhinnēṣu tatō:’bhīṣayadaṅgadam |
bhīṣaṇairbahubhirvākyaiḥ kōpōpāyasamanvitaiḥ || 7 ||

tvaṁ samarthataraḥ pitrā yuddhē tārēya vai dhuram |
dr̥ḍhaṁ dhārayituṁ śaktaḥ kapirājyaṁ yathā pitā || 8 ||

nityamasthiracittā hi kapayō haripuṅgavaḥ |
nājñāpyaṁ visahiṣyanti putradārān vinā tvayā || 9 ||

tvāṁ naitē hyanuyuñjēyuḥ pratyakṣaṁ pravadāmi tē |
yathā:’yaṁ jāmbavānnīlaḥ suhōtraśca mahākapiḥ || 10 ||

na hyahaṁ ta imē sarvē sāmadānādibhirguṇaiḥ |
daṇḍēna vā tvayā śakyāḥ sugrīvādapakarṣitum || 11 ||

vigr̥hyāsanamapyāhurdurbalēna balīyasaḥ |
ātmarakṣākarastasmānna vigr̥hṇīta durbalaḥ || 12 ||

yāṁ cēmāṁ manyasē dhātrīmētadbilamiti śrutam |
ētallakṣmaṇabāṇānāmīṣatkāryaṁ vidāraṇē || 13 ||

svalpaṁ hi kr̥tamindrēṇa kṣipatā hyaśaniṁ purā |
lakṣmaṇō niśitairbāṇairbhindyātpatrapuṭaṁ yathā || 14 ||

lakṣmaṇasya tu nārācā bahavaḥ santi tadvidhāḥ |
vajrāśanisamasparśā girīṇāmapi dāraṇāḥ || 15 ||

avasthānē yadaiva tvamāsiṣyasi parantapa |
tadēva harayaḥ sarvē tyakṣyanti kr̥taniścayāḥ || 16 ||

smarantaḥ putradārāṇāṁ nityōdvignā bubhukṣitāḥ |
khēditā duḥkhaśayyābhistvāṁ kariṣyanti pr̥ṣṭhataḥ || 17 ||

sa tvaṁ hīnaḥ suhr̥dbhiśca hitakāmaiśca bandhubhiḥ |
tr̥ṇādapi bhr̥śōdvignaḥ spandamānādbhaviṣyasi || 18 ||

na ca jātu na hiṁsyustvāṁ ghōrā lakṣmaṇasāyakāḥ |
apāvr̥ttaṁ jighāṁsantō mahāvēgā durāsadāḥ || 19 ||

asmābhistu gataṁ sārdhaṁ vinītavadupasthitam |
ānupūrvyāttu sugrīvō rājyē tvāṁ sthāpayiṣyati || 20 ||

dharmakāmaḥ pitr̥vyastē prītikāmō dr̥ḍhavrataḥ |
śuciḥ satyapratijñaśca na tvāṁ jātu jighāṁsati || 21 ||

priyakāmaśca tē māsustadarthaṁ cāsya jīvitam |
tasyāpatyaṁ ca nāstyanyat tasmādaṅgada gamyatām || 22 ||

ityārṣē śrīmadrāmāyaṇē vālmīkīyē ādikāvyē kiṣkindhākāṇḍē catuḥpañcāśaḥ sargaḥ || 54 ||

www.sanatanadharm.com - play store app (sanatana dharm)  

"Bharathiya Sanatana Dharmam" and Sanatana Dharm & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshati Rakshitha" and the logo is not allowed. Copyright © sanatanadharm.com All Rights Reserved . Made in India.